A kasar Mozambique, kimanin yara dubu 200 ne suke dauke da kwayoyin cutar Sida kuma akasarinsu, yara ne da iyayensu mata ba su samu taimako na yin rigakafin yaduwar wannan cuta daga uwa zuwa jinjiri ba, a cewar mataimakin ministan kiwon lafiya na kasar Mozambique Nazira Abdula, wanda jaridar Noticias ta rawaito kalamansa.

"Matsala ce mai ta da hankalin gwamnatin kasar da ofishin ministan kiwon lafiya na kasar.'' in ji ministan a yayin wani taro na baya-baya kan rigakafin yaduwar cutar daga uwa zuwa jinjiri, zaman taron da ya samu halartar matar shugaban kasar Portugal Maria Cavaco Silva da kuma matar shugaban kasar Mozambique madam Maria da Luz Guebuza.

Nazira ya amince cewa, kasar Mozambique ba ta cimma wani matsayin a-zo-a-gani ba a cikin aikin yin rigakafin yaduwar cutar HIV daga uwa zuwa jinjiri. (Maman Ada)