Bisa kididdigar da hukumar kididdiga ta Sin ta bayar, an ce, a farkon rabin shekarar bana, saurin alkaluman da ke nuna hauhawar farashin kayayyaki wato CPI ya karu da kashi 3.3 cikin 100 bisa na bara, kana yawan alkaluman da aka samu a watan Yuni ya karu da kashi 2.2 cikin 100 bisa na bara, kuma saurin karuwar da aka samu ya ragu da kashi 0.8 cikin 100 bisa na watan jiya.

Bisa kididdigar da aka samu, ana iya gano tasirin da canjin farashi ya haifar, wato a watan Yuni, yawan alkaluman CPI ya ragu da kashi 0.6 cikin 100 bisa na watan jiya, haka kuma idan aka kwatanta farashin abinci, za a ga cewa, farashin kayan lambu ya ragu sosai .

Bugu da kari kuma, farashin kayayyakin da masana'antu suka samar wato PPI ya ragu da kashi 2.1 cikin 100 bisa na bara. A farkon rabin shekarar bana, yawan alkaluman PPI ya ragu da kashi 0.6 cikin 100 bisa na bara.(Bako)