Kungiyar NATO ta yi Allah wadai da harbo jirgin saman yaki na kasar Turkiyya da Siriya ta yi
Sakatare janar na kungiyar tsaro ta NATO Anders Rasmusen ya yi Allah wadai da harbo jirgin saman yaki na kasar Turkiyya da Siriya ta yi, haka kuma Rasha ta yi kira ga kasashen Siriya da Turkiyya da su kai zuciya nesa game da wannan batu.
A wannan rana, kwamitin tsaida kuduri na kungiyar tsaro ta NATO ya shirya taron jakadun kasashen waje da ke kasar Turkiyya bisa bukatun kasar, inda aka tattauna batun harbo jirgin saman yaki na Turkiyya da Siriya ta yi. A cikin sanarwar da Rasmusen ya bayar bayan taron, an ce, ba za a amince da harbo jirgin saman yaki na kasar Turkiyya ba, kuma ya yi Allah wadai da wannan batu da kakkausan harshe. Ya ce, kungiyar tsaro ta NATO za ta ci gaba da mai da hankali game da batun.(Bako)
