A ranar 4 ga wata, shugaban ofishin kula da harkokin hana kwararowar hamada karkashin hukumar kula da dazuzzuka ta kasar Sin, Mr.Liu Tuo ya bayyana a nan birnin Beijing cewa, cikin shekarun baya, bisa ga matakan da ta dauka na kara zuba jari da inganta hadin gwiwa da kasa da kasa, Sin ta samu babban ci gaba ta fannin hana kwararowar hamada, har ma fadin wuraren da ke da hamada na ruguwa a kasar a sakamakon yadda take karuwa a da.

A gun taron manema labarai da majalisar gudanarwa ta kasar Sin ta shirya a wannan rana, Liu Tuo ya ce, daga shekarar 1992, kasar Sin ta kan zuba biliyoyin daloli a kowace shekara ta bangaren hana lalacewar gonaki da yaduwar hamada. Baya ga haka, ta kuma kafa wani tsarin damawa da al'umma. A sa'i daya, kasar Sin ta inganta hadin gwiwa da gamayyar kasa da kasa, abin da ya taimaka sosai wajen hana yaduwar hamada a kasar Sin tare da kara samun kudin shiga ga manoma.(Lubabatu)