Ranar Lahadi 29 ga watan da muke ciki, Omar al-Bashir, shugaban kasar Sudan, ya tabbatar da kafa dokar ta-baci a wasu wuraren dake yankin iyakar kasarsa da kasar Sudan ta Kudu, kamar yadda wata kafar watsa labarai ta kasar Sudan (SMC) ta bayyana.

A ranar 10 ga watan Afrilu, sojojin kasar Sudan ta Kudu sun mamaye yankin Heglig, lamarin da ya tsananta halin kiki-kaka dake tsakanin bangarorin Khartoum da ma Juba.

Duk da haka, a kwanakin baya sojojin kasar Sudan sun samu damar sake mallakar Heglig, yankin da ya kunshi rijiyoyin mai mafi girma na kasar Sudan, bayan da suka yi kazamar musayar wuta tare da sojojin kasar Sudan ta Kudu.(Bello Wang)