Babban injiniyan ma'aikatar kula da harkokin masana'antu da sadarwa ta kasar Sin, Zhu Hongren ya bayyana a ranar 25 ga wata cewa, a takaice dai ana samun bunkasuwar masana'antu yadda ya kamata, kuma ana da makoma mai kyau nan gaba wajen kara samun ci gaba, sakamakon hakan ana iya sarrafayiyuwar afkuwar hadarin rayuwar ci gabansu. Amma dole ne a kara mai da hankali a kan irin wadannan hadaruruka..

Zhu Hongren ya yi wannan jawabi ne a yayin taron manema labaru da aka shirya a wannan rana, inda ya ce, yanzu ana fuskantar matsaloli wajen samun raguwar tattalin arziki, yawan karuwar cinikayyar waje ya ragu, kazalika sakamakon wasu dalilai yawan kudin da aka samu wajen sayar da kayayyaki ya yi kasa sosai. Bayan haka kuma, masana'antun kasar Sin na fuskantar matsaloli da dama, ciki har da karuwar farashin danyun kayayyaki, da yawan kudin da suke biyan ma'aikata, da kuma shan wuyar hada-hadar kudi.

Bugu da kari, Zhu Hongren ya nuna cewa, a watanni 3 na farkon wannan shekara, yawan karin darajar kayayyaki da masana'antun kasar Sin suka samu ya karu da kashi 11.6 cikin dari. (Bilkisu)