A ranar 23 ga wata, bisa labarin da wakilinmu ya samu daga ma'aikatar kula da ilmi ta kasar Sin, an ce, daga shekarar 2012 zuwa shekarar 2015, kasar Sin za ta dauki dalibai dubu 10 da ke kokarin samun digiri na farko daga cikin gundumomi masu fama da talauci.

Bisa labarin da aka samu, an ce, daliban da za a dauka cikin wannan shiri za su shafi gundumomi masu fama da talauci 680 da ke lardunan 21 a kasar, haka kuma jami'o'in da za su aiwatar da wannan shiri, za su dauki dalibai a fannonin aikin gona da albarkatun ruwa da nazarin albarkatun kasa da ilmin likitanci da dai makamantansu, bisa bukatun raya tattalin arziki da zamantakewar al'umma a yankunan da ke fama da talauci na kasar.

Haka kuma, bayan da daliban suka kammala karatu, za su koma garinsu domin ba da hidima a yankuna mafi fama da talauci, kuma za su samu manufofi masu gatanci kamar samun kudin bonas ko rance wajen biyan kudin karatu.(Bako)