Kimanin sojoji na matakai daban daban 39,569 suka kada kuri'un zaben shugaban kasa zagaye na biyu a ranar Asabar a kasar Senegal, zaben da ya hada da dan takarar gungun jam'iyyun siyasa domin samun nasara na FAL 2012, Abdoulaye Wade, wanda ya kasance shugaba mai barin gado, da Macky Sall dan takarar gungun Bennoo Bokk Yaakaar, a cewar wakilin kamfanin dillancin labarai na Xinhua na kasar Sin dake wurin.

Wanda aka tsaida a tsawon kwanaki biyu, zaben na sojojin kasar zai gudana a cikin jihohin kasar Senegal da dama. A yayin zaben shugaban kasar zagayen farko, ba'a samu halartar kada kuri'u ba daga sojojin kasar. A ranar 25 ga watan Maris, fiye da 'yan kasar Senegal miliyan biyar ne ake sanya ran za su kada kuri'u a zaben shugaban kasar zagaye na biyu.

Shugaban kasar mai barin gado, Malam Abdoulaye Wade na sake neman wani wa'adi na uku a gaban tsohon faraministan kasar Macky Sall wanda ya samu nasarar zuwa na biyu a zaben shugaban kasar zagayen farko.(Maman Ada)