Bisa rahoton da bankin duniya ya gabatar a kwanakin baya, an ce, yawan mutane masu fama da talauci a fadin duniya yana raguwa. Wannan shi ne karo na farko da aka samu irin wannan yanayi tun bayan shekara ta 1981.

Rahoton ya yi bincike kan mutane masu fama da talauci a nahiyar Afirka tun daga shekara ta 2005 zuwa ta 2008, kuma ya nuna cewa, ko da yake yawan mutane a nahiyar yana karuwa a lokacin, amma yawan mutane masu fama da talauci ya ragu daga miliyan 395 a shekarar 2005 zuwa miliyan 386 a shekarar 2008.

Hakazalika kuma rahoton ya nuna cewa, duk da haka kuwa, har ila yau yankin kudu da Sahara tana kasancewa yanki mafi talauci a duniya.(Zainab)