A ran 20 ga wata, a kasar Italy, kungiyar EU da kasashen Amurka da Canada da sauran kasashe sun shirya wani taro cikin sirri, inda suka tattauna kan kara sanya takunkumi ga kasar Iran. Bangarorin da suka halarci taron sun yarda da kara matsa lamba ga kasar Iran, da yin kira ga Iran da ta koma teburin yin shawarwari.

A ganin bangarorin da suka halarci taron, dole nea kasar Iran ta gabatar da shirinta na nukiliya gaba daya a fili. Kuma bangarorin za su ci gaba da yin hadin gwiwa don sa kaimi ga Iran da ta koma teburin yin shawarwari. Bisa labarin da aka bayar, an ce, a gun taron da aka shirya a wannan rana, ayyukan hana kasar Iran fitar da man fetur zuwa kasashen waje da farashin makamashi na duniya sun zama manyan abubuwa da aka tattauna.

Kasar Iran ita ce kasa ta uku da ke fitar da man fetur zuwa kasashen waje. Idan ake hana kasar fitar da man fetur zuwa kasashen waje, ta farashin man fetur zai iya canjawa.

Bisa labarin da aka bayar, an ce, kasar Iran ta gayyaci tawagar masanan hukumar IAEA da su kai ziyara a kasar, kuma tana son sake yin shawarwari kan batun nukiliya na kasar.