Kwamitin tsakiya na jam'iyyar kwaminis ta Sin da majalisar gudanarwa da kuma kwamitin tsakiya na rundunar soja na kasar Sin sun hallara a babban dakin taro na jama'a domin murnar cimma nasarar hadewar tauraron dan Adam na Tiangong 1 da kuma tauraron dan Adam na Shenzhou 8. Inda aka ba da lambobin yabo ga kungiyoyi da mutanen da ke kula da aikin zirga-zirgar taurarin dan Adam masu dauke da dan-adam Babban sakataren kwamitin tsakiya na jam'iyyar kwaminis ta kasar Sin kuma shugaban kasar kana shugaban kwamitin tsakiya na rundunar soja na kasar Hu Jintao da sauran shugabannin jam'iyyar kwaminis ta Sin da gwamnatin kasar sun halarci taron.

Zaunannen ofishin siyasa na kwamitin tsakiya na jam'iyyar kwaminis ta Sin kuma shugaban zaunannen kwamitin majalisar wakilan jama'ar kasar Sin Wu Bangguo ne ya shugabanci wannan taro, masana da jami'ai da ma'aikata fiye da dubu 2 da suka kula da aikin haduwar taurarin dan Adam na Tiangong 1 da Shenzhou 8 sun halarci taron.

A ran 3 ga watan Nuwamba, an cimma nasarar hada tauraron dan Adam na Tiangong mai lamba 1 da kuma tauraron dan Adam na Shenzhou mai lamba 8 a sararin samaniya, wadanda kasar Sin ta kera su ita da kanta.(Lami)