Hong Lei, kakakin ma'aikatar harkokin wajen kasar Sin, ya furta a ranar 8 ga wata a nan birnin Beijing cewa, kasar Sin ta yi maraba da yadda aka kafa wata gwamnatin hadaka a kasar Yemen.

A wajen taron manema labaru, Hong Lei ya amsa wata tambayar dangane da kafuwar gwamnatin hadaka a Yemen a ranar 7 ga wata, inda ya fadi cewa, kasar Sin na fatan ganin bangarorin kasar Yemen za su ci gaba da kokarin aiwatar da shawarwarin da kungiyar kasashen dake kewayen mashigin tekun Pasha (GCC) ta gabatar, sa'an nan su yi kokarin kau da sabani ta hanyar lumana, don farfado da tsari da oda a kasar cikin sauri, tare da tabbatar da kwanciyar hankali da samun ci gaban kasa. (Bello Wang)