Ranar Lahadi 4 ga wata, jirgin sama na karshe mai dauke da musulman kasar Sin da suka kammala aikin haji a kasar Saudiyya ya sauka Beijing daga birnin Jidda na Saudiyya Arabiya. Ta haka dukkan musulman kasar Sin da suka je Saudiyya yin aikin haji sun dawo gida cikin koshin lafiya.

A wannan rana musulmai 324 da ke cikin wannan jirgin sama sun fito ne daga lardunan Jiangxi, Heilongjiang da Jilin da birnin Tianjin.

A shekarar da muke ciki, musulmai fiye da 13,700 na kasar Sin sun je Saudiyya yin haji. Hukumomin kasar Sin da abin ya shafa sun taimaka wa juna sosai, a kokarin tabbatar da ganin wadannan musulmai sun kammala yin haji yadda ya kamata. Kuma ayyukan jami'an sun samu gamsar da mahajjatan, da kuma bangaren Saudiyya. (Tasallah)