Ranar 1 ga watan Disamba, rana ce ta yaki da cutar kanjamau ta duniya, kuma babban jigon ranar a wannan shekara shi ne, buri 3 na ganin babu sabbin mutanen da suka kamu da cutar, babu nuna wariya ga masu dauke da cuta, da kokarin ganin babu mutanen da suka rasa rayukansu sakamakon wannan cuta. Don haka, kungiyoyin gwamnatoci da na masu zaman kansu na kasashe da dama sun nuna hazaka wajen amsa kiran da aka yi, domin cimma wannan buri.

Kungiyar tarayyar Turai gami da kasashe membobinta sun fitar da wata sanarwa a wannan rana, inda ta jaddada alkawarin yaki da cutar kanjamau, da tsara sabon buri.

Haka kuma a wannan rana, kasar Afirka ta Kudu ta kaddamar da muhimmin shirin tinkarar cutar kanjamau na shekara ta 2012 zuwa ta 2016, inda aka bayyana cewa, nan da shekaru 5 masu zuwa, za'a yi kokarin rage yawan mutanen da suke kamuwa da cutar da kashi 50 bisa dari.

Dadin dadawa kuma, a nasa bangaren, sakatare-janar na MDD Mista Ban Ki-Moon ya gabatar da jawabi a ranar 1 ga wata, inda yayi kira ga kasa da kasa da su nuna kwazo wajen kawar da cutar sida.(Murtala)