A lokacin aikin hajjin bana, za a fara aiki da hanyar dogo ta kananan jiragen kasa na daukar fasinja da kamfanin CRCC na kasar Sin ya gina. A ranar 29 ga wata, shugaban kwamitin kula da aikin hajji na kasar Saudiyya, wanda shi ne shugaban lardin Makka, ya kai rangadi wurin da ake kokarin gina hanyar.

An fara gina wannan hanyar dogo daga shekarar 2008. A ranar 3 ga watan Nuwamban shekarar bana, za a fara aiki da hanyar gaba daya, kuma ana sa ran zai yi jigilar fasinjoji kusan miliyan uku cikin tsawon kwanaki biyar. A lokacin aikin hajjin bana, musulman da a baya su kan shiga motoci zuwa wuraren aikin hajji za su shiga kananan jiragen kasa, abin da zai rage cunkuson motoci da a kan yi fama da shi a lokacin aikin hajji. (Lubabatu)