A ranar 20 ga wata, bisa labarin da aka bayar, an ce, wani babban kwamandan dakarun kwamintin mulkin wucin gadin Libya NTC ya fayyace cewa, tsohon shugaban Libya Kanar Muammar Gaddafi ya ji tsananin rauni da har ya kai ga mutuwarsa, sai dai har yanzu hukumar Libya ba ta tabbatar da wannan labari ba.

A sa'i daya kuma, wani jami'in kungiyar tsaro ta NATO ya ce, kungiyar NATO ba ta da hakkin tabbatar da da wannan labari, kuma kwamitin NTC ne ke da alhakin sanar da irin wannan labari.

Haka kuma, bisa labarin da kwamandan da muka ambata ya bayar, an ce, an kame Gaddafi a garinsa da ke birnin Sirte, kuma yayin da aka kame shi, an same shi da rauni mai tsanani a kafafuwansa, inda aka kai shi zuwa wani kebabben wuri ta jirgin sama mai saukar ungulu.

Da ma, dakarun NTC sun bayyana cewa, sun kusan mamaye birnin Sirte, kuma yanzu, suna kokarin kakkame ragowar sojoji magoya bayan shugaba Gaddafi.(Bako)