Za a kafa cibiyoyin ilmantar da yara 41 a makarantun kauyuka dake wurare 15 na jihar Xinjiang mai zaman kanta ta Uygur ta kasar Sin, kuma za a bude su a watan Oktoba na bana, domin nishadantar da yara da matasa dake tankunan makiyaya da manoma.

Bisa labarin da aka bayar, an ce, za a kyautata filaye da dakuna da kayayyaki dake makarantun kauyuka a yanzu, tare da kara wasu sabbin kayayyaki, domin kafa cibiyoyin ilmantar da yara. Yayin da kuma za a ba da kulawa sosai ga raya al'adu da koyar da tarbiya ta gari ga matasa da yara a wannan yanki ba tare da karbar kudi ba.

A yayin shirin shekaru biyar a karo na 12, ma'aikatun kudi, da na ilmi na Sin sun hada gwiwa wajen aikin kafa cibiyoyin ilmantar da yara makarantun kauyuka. Sannan za a kebe kudi yuan biliyan 2.45 domin kafa cibiyoyin ilmantar da yara 8000 a wurare daban daban na Sin.(Fatima)