Ranar Laraba 27 ga wata, hukumomin cinikayya da yawon shakatawa na kasar Tunisiya sun ba da sanarwar cewar, gwamnatin wucin gadi ta kasar za ta dauki matakai masu tsanani domin yaki da yin sumogar da ajiye kayan abinci ta yadda za a tabbatar da biyan bukatun mutane a lokacin watan azumi.

Sanarwa ta ce, muhimman kayayyakin da kasuwannin kasar sukan samar kamar su sukari, garin shinkafa, man ja, shayi da sauransu sun sami gatanci daga gwamnati domin biyan bukatun jama'a. Saboda haka, duk wanda ya yi sumoga da ajiye irin wadannan kayayyakin, za a yanke masa hukunci. Sanarwa ta nemi hukumomin da abin ya shafa da su kara karfin sa ido domin tabbatar da biya bukatun jama'a.(Amina)