A ran 26 ga wata a birnin Lagos, shugaban kamfanin Sin mai kula da shiyar cinikayya ba tare da shinge ba ta Lekki ta kasar Nijeriya Chen Xiaoxing ya bayyana cewa, shiyar Lekki za ta kasance shiyar cinikayya mafi muhimmanci a kasar Nijeriya har ma a dukkan nahiyar Afirka.

Chen Xiaoxing ya bayyana wa 'yan jaridan kamfanin dillancin labaru na Xinhua cewa, bayan da aka kammala zaben shugaban kasar Nijeriya, za a samu babban ci gaba kan hadin gwiwar tattalin arziki da cinikayya a tsakanin Sin da Nijeriya, kana shiyar Lekki da kasashen biyu suka gina cikin hadin gwiwa, za ta samu sabon ci gaba.

A ganin Chen Xiaoxing, shiyar Lekki za ta kasance wani sabon birni dake mashigin tekun Guinea, bayan da aka samar da kayayyakin more rayuwa a shiyar, za ta kasance cibiyar musayar kayayyaki a yankin yammacin nahiyar Afirka.(Zainab)