Ranar 24 ga wata da dare, hukumar binciken ayyukan ta'addanci ta kasar Rasha ta ba da labari cewa, mutane 35 sun mutu yayin da wasu 130 ko fiye suka raunana sakamakon fashewar wani bom a filin jiragen sama na Domodedovo na kasar.

Kakakin hukumar ya ce, ba shakka, harin da aka kai a wannan karo harin kunar bakin wake ne. Hukumar ta ce wasu hotunan bidiya sun nuno wasu maza uku da ake tuhumarsu da hannu cikin lamarin sun shiga dakin jiran fasinjoji na filin jiragen sama. Ya zuwa yanzu, hukumomin da abin ya shafa suna gudanar da bincike kan lamarin.

Yayin da wannan bom ya fashe, akwai jiragen sama da dama a wannan filin, sannan akwai fasinjoji da dama a cikin dakin, wannan hari dai ya jawo matukar asara.(Amina)