A ran 26 ga wata, kasar Sin ta yi kira ga kasar Isra'ila da ta bi kudurorin MDD da abin ya shafa da kuma ka'idojin da aka tanada a cikin dokokin kasa da kasa, a kokarin warware rikicin da ke kasancewa a tsakaninta da kasashen Larabawa kan yankunan kasa ta hanyar yin shawarwari yadda ya kamata, ta yadda za a samu adalci da zaman lafiya mai dorewa daga dukkan fannoni a gabas ta tsakiya.

A ran 22 ga wata, majalisar dokokin kasar Isra'ila ta zartas da wata doka, inda aka tanadi cewa, dukkan kudurori kan janye jiki daga birnin Kudus na gabas da tudun Golan ba za su taka rawa ba sai dai suka samu kuri'u masu goyon baya da yawansu ya zarce kashi 2 cikin kashi 3 a cikin majalisar, in ba haka ba za a nemi shirya aikin jefa kuri'ar raba gardama a kansu.

Kakakin ma'aikatar harkokin waje ta kasar Sin Hong Lei ya bayyana a ran 26 ga wata, cewar wannan dokar da kasar Isra'ila ta zartas ba ta dace da kudurorin MDD da abin ya shafa ba. Kana kuma sakamakon dokar kawai, ba za a musanta wani hakikanin abu kan cewa ba, birnin Kudus na gabas da tudun Golan yankuna ne na kasashen Larabawa. (Kande Gao)