A ranar 22 ga wata, kwamitin kula da harkokin kere-keren motoci na kasar Sin ya bayyana cewa, bisa shirin sayar da motoci na kasar Sin cikin shekaru masu zuwa, an ce, ya zuwa shekarar 2015, za a kera motoci da yawansu ya kai miliyan 23 zuwa 31, kuma nan gaba, za a ci gaba da samun karuwar kera motoci cikin hanzari.

Bisa labarin da aka bayar, an ce, daga shekarar 2011, za a fara gudanar da shirin bunkasuwa a karo na 12 na shekaru biyar-biyar a sana'ar kera motoci, kuma an jaddada cewa, za a bunkasa sana'ar kera motoci don ta zama sahun gaba a duniya, haka kuma an bayyana cewa,yawan motocin da ake sayarwa zai ci gaba da karuwa.

Kwararru sun bayyana cewa, bayan da sana'ar motoci ta zama sahon gaba a duniya, sana'ar motoci a kasar Sin za ta zama wani muhimmin abu ne a cikin tsarin sana'ar motoci na duniya.(Bako)