A nasa bangaren, Mista Augustin Nsanze ya ce, rumfar kasar Burundi dake dakin-nune-nune na hadin-gwiwar kasashen Afirka tana kokarin nunawa masu kallo dimbin albarkatu da Allah ya horewa kasar, da irin kyan-ganin da take da shi. Kamar yadda babban taken rumfar Burundi yake, wato "kasancewar dan Adam da muhalli tare", gwamnatin kasar tana aiwatar da manufar raya masana'antu da birane tare da kiyaye muhallin halittu. Mista Augustin ya ce:
"A rumfar kasar Burundi, masu kallo suna iya ganin cewa, ana samun yanayi mai kyau, da ni'imtattun wurare, gami da dabbobi da tsire-tsire iri-iri a Burundi. Muna fatan mutanen kasashe daban-daban za su zuba jari a kasarmu, haka kuma gwamnatinmu ta amince da dokoki da dama da suka shafi zuba jari da karbar haraji, a kokarin baiwa mutane kwarin-gwiwar zuba jari a kasar Burundi."(Murtala)
