Masu rawa na Togo za su nuna wasanni masu kayatarwa a bikin baje koli na duniya da za a yi a Shanghai
A gabannin bude bikin baje koli na kasa da kasa a birnin Shanghai na kasar Sin, cibiyar kula da harkokin nune-nune ta kasar Togo ta furta kwanan baya cewa, Togo ta shirya halartar bikin baje koli na duniya da za a yi a birnin Shanghai. Haka kuma, an kammala gina rumfar nune-nune ta Togo a farfajiyar bikin.
An labarta cewa, a yayin bikin baje koli na kasa da kasa da za a yi a Shanghai, Togo za ta tura shahararriyar kungiyar masu rawa ta Ziguidi domin nuna wasanni na tsawon kwanaki 14 a Shanghai da wasu sassan kasar Sin. Shugaban kungiyar Ziguidi ya nuna cewa, tabbas ne kungiyarsa za ta nuna wa 'yan kallo daga sassa daban daban na duniya wasanni masu kayatarwa. (Tasallah)
