Jia Qinglin ya bayyana cewa, kasar Sin ta nuna babban yabo ga kasar Kamaru da ta nacewa ga bin manufar Sin daya tak a duniya da nuna goyon baya ga kasar Sin a kan batutuwa da ke shafi moriyar kasar Sin. Kasar Sin tana son yin hadin gwiwa tare da Kamaru a fannin aiwatar da sabbin matakai 8 na inganta hadin gwiwa da ke tsakanin Sin da kasashen Afirka da aka tsara a kan taron ministoci a karo na 4 na dandalin tattaunawa kan hadin kai a tsakanin kasar Sin da Afirka, don tabbatar da bunkasuwa tare.
Cavaye Yeguie Djibril ya bayyana cewa, kasar Kamaru za ta ci gaba da nacewa ga bin manufar Sin daya tak a duniya, kuma majalisar wakilai ta kasar Cameroon za ta ci gaba da kara yin mu'amala da yin hadin gwiwa tare da majalisar ba da shawara kan harkokin siyasa ta jama'ar kasar Sin. Kasar Kamaru tana son yin kokari tare da Sin wajen sa kaimi ga karfafa dankon zumunci a tsakaninsu, da kawo moriyar jama'ar kasashen biyu.(Abubakar)
