A ranar 13 ga wata, mataimakin ministan harkokin zirga-zirgar jiragen kasa na kasar Sin Wang Zhiguo ya bayyana a nan birnin Beijing cewa, yanzu yawan hanyoyin jiragen kasa da suka fi sauri, da kasar Sin ta yi zirga-zirga a kai ya kai kilomita 6552, hakan nan ta kasance sahun gaba a duniya.

Yayin da Wang Zhiguo ke zantawa da manema labaru a cibiyar yada labaru a yayin taro na cikakken zama na 3 na majalisar wakilan jama'ar kasar Sin, ya ce, ana gudanar da aikin zirga-zirgar jiragen kasan da suka fi sauri cikin armashi, watau na farko, ana tabbatar da ingancin nau'rori. Na biyu kuwa, ana yin zirga-zirga lamin lafiya, ba tare da jikkata ko mutuwar fasinjoji ba, na uku, ana gudanar da zirga-zirgar jiragen kasa yadda ya kamata.(Bako)