in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Jam'iyyar CPC ta yi nazarin aikin tattalin arziki na shekarar 2010
2009-11-27 20:32:07 cri
A ran 27 ga wata, ofishin siyasa na kwamitin tsakiya na jam'iyyar kwaminis ta kasar Sin, wato CPC ya shirya wani taro domin yin nazarin aikin tattalin arziki da za a yi a shekara ta 2010. Mr. Hu Jintao, babban sakataren jam'iyyar ya shugabanci wannan taro.

A yayin taron, ana ganin cewa, a gaban barazanar da rikicin hada-hadar kudi na duniya da ba safai a gan shi ba a tarihi ya yi da bala'u daga indallahi da su kan faru a kasar Sin, gwamnatin kasar ta tsaya tsayin daka kan matsayin daukar manufofin kasafin kudi cikin hali mai yakini da manufofin kudi da suka dace bisa hakikanin halin da ake ciki, har ma ta aiwatar da kuma kyautata jerin shirye-shiryen tinkarar rikicin hada-hadar kudi na duniya. Sabili da haka, tattalin arzikin kasar Sin ya soma samun farfadowa, har ma ya samu ci gaba.

Haka kuma a yayin taron, an nuna cewa, kasar Sin za ta tabbatar da manufofin raya tattalin arziki daga dukkan fannoni da ake aiwatarwa cikin hali mai dorewa. Bugu da kari, za ta kara mai da hankali wajen canja hanyoyin ci gaban tattalin arziki da tsarinsa, kuma za ta yi kokarin tsimin makamashi da rage fitar da gurbataccen abubuwan da suke gurbata muhalli, musamman za ta sa kaimi ga kokarin kara bukatu a kasuwannin cikin gida. (Sanusi Chen)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China