2020-09-26 15:51:09        cri

Jami'ar Johns Hopkins ta Amurka ta fitar da wata sabuwar kididdiga game da cutar COVID-19, inda ta bayyana cewa, adadin wadanda aka tabbatar sun kamu da cutar a kasar ya zuwa jiya Juama'a, ya kai sama da miliyan 7, kana yawan wadanda ta yi sanadin mutuwarsu ya kai 203,240.

Amurka dai ita ce kasar da ta fi kowacce yawan masu fama da cutar da wadanda ta yi sanadin mutuwarsu a duniya.

Kididdigar ta nuna cewa, ya zuwa ranar 9 ga watan Augusta, adadin wadanda aka tabbatar sun kamu da cutar a kasar ya zarce miliyan 5, sannan ya zuwa ranar 31 ga watan Augustan, adadin ya zarce miliyan 6. Wato cikin kwanaki 22, adadin ya tashi daga miliyan 5 zuwa miliyan 6, sannan cikin kwanaki 25, ya tashi daga miliyan 6 zuwa 7. (Fa'iza Mustapha)