2020-08-07 13:36:40        cri

Hukumar zirga-zirga ta kasar Sin ta bada wata shawara a jiya Alhamis kan ingiza aikin gina manyan ababen more rayuwa na zamani a fannin zirga-zirga, inda ta nuna cewa, ya kamata a sa kaimi wajen yin amfani da fasaha mai inganci wajen gina manyan ababen more rayuwa a fannin zirga-zirga.

Ana sa ran cewa, Sin ta za ta samu gagarumin ci gaba a wannan fanni kafin shekarar 2035, inda za a iya kyautata karfin kirkire-kirkire a fannnin kimiya da fasaha, da kuma karfin amfani da wadannan kimiya da fasahohi ta yadda za su kai matsayin koli a duniya.

Ban da wannan kuma, shawarar ta ce, za a sa kaimi ga amfani da fasahar 5G da tsarin jagorancin zirga-zirga na Beidou da kuma tauraron Bil Adama masu dauke da na'urar gano abu a nesa da dai sauransu. Har ma da kara karfin yin amfani da tsarin Beidou ta fuskar zirga-zirga, da kuma kafa tsarin taswirar dogaro da Beidou, har ma da kara kwarin gwiwar al'umma wajen zuba jari ga manyan ababen more rayuwa masu amfani da kimiya da fasaha. (Amina Xu)