2020-02-25 19:32:15        cri

A jiya Litinin ne aka gabatar da rahoto mai taken "Farfado da hanyoyin zirga-zirga na kasar Sin". Rahoton ya bayyana cewa, sannu a hankali an samu farfadowa a wannan fanni cikin tsari.

Rahoton na bayyana cewa, a makon jiya, hanyoyin zirga-zirga a biranen Beijing, da Shanghai da Guangzhou na farfadowa. Ban da wannan kuma, a kwanan baya, a wasu cibiyoyin biranen Beijing, da Shanghai da Guangzhou, da Shenzhen, da na Hangzhou, har ta kai an samu cunkoso a hanyoyi da safe da kuma yammaci, lokacin da ake tafiya zuwa wurin aiki da kuma dawowa gida.

Mashahanta na nuna cewa, yawan zirga-zirga, zai yi nuni game da halin zirga-zirgar mutane, da kuma jigilar kayayyaki, matakin da ke share fagen budewar masana'antu yadda ya kamata sakamakon komawar ma'aikata bakin aiki. (Amina Xu)