Shugaban kasar Sin, kana babban sakataren kwamitin kolin JKS Xi Jinping, ya gudanar da ziyara a lardin Jilin dake arewa maso gabashin Sin.

Yayin ziyarar ta jiya Laraba, shugaban ya yi rangadi a gundumar Lishu ta birnin Siping, inda ya ganewa idanun sa yankin gwaji na wurin da ake sarrafa kayan lambu, da muhallin kungiyoyin manoma dake samar da nau'o'in hatsi, da wurin da ake kyautata amfani da bakar kasa, da ma wuraren da ake gudanar da noman zamani a manyan filaye. (Saminu)