Ma'aikatar ilimi ta kasar Sin, ta ce kasar ta kashe kimanin yuan triliyan 5.01, kwatankwacin dala biliyan 706.6, a kan ilimi a fadin kasar a shekarar 2019, wanda ya karu da kaso 8.74 a kan na shekarar da ta gabace ta.

Rahoton da ma'aikatar ta fitar, ya nuna cewa kasafin kudin da gwamnati ta kashe kan ilimi ya kai sama da yuan triliyan 4 a baran, wanda ya karu da kaso 8.25 kan na shekarar 2018.

Rahoton ya kara da cewa, a shekarar 2019, an kashe sama da yuan triliyan 2.2 a kan tsarin ilimin dole, adadin da ya karu da kaso 9.12 da kuma sama da yuan triliyan 1.3 kan ilimin gaba da sakandare, wanda ya karu da kaso 11.99 a kan na shekarar 2018. (Fa'iza Mustapha)