2020-02-19 10:26:49        cri

Hukumar kula da lafiyar al'umma ta kasar Sin, ta ce ya zuwa karshen ranar Talata, adadin wadanda suka warke daga cutar numfashi ta COVID-19, aka kuma sallame su daga asibiti sun kai mutum 14,376. Kana a ranar Talatar kadai, an sallami mutane 1,824 daga asibiti, bayan da aka tabbatar sun warke daga cutar.

A daya hannun kuma, ya zuwa karshen ranar ta Talatar, adadin wadanda cutar ta hallaka ya kai mutum 2,004, yayin da jimillar mutane 74,185 suka kamu da ita, a yankunan lardunan kasar 31 da yankin aikin soji na Xinjiang. (Saminu)