2020-01-25 20:51:12        cri

Zaunannen ofishin siyasa na kwamitin tsakiya na jam'iyyar JKS, ya yi zama a ranar Asabar, inda mambobin sa suka tattauna game da yanayin da ake ciki don gane da ayyukan kandagarki, da magance cutar numfashin nan ta coronavirus da ta bulla a sassan kasar.

Shugaban kasar Sin, kuma babban sakataren kwamitin Xi Jinping ne ya jagoranci zaman na yau Asabar. Zaman taron ya kuma amince da kafa tawagar musamman daga kwamitin kolin JKS, domin jagorantar ayyukan sa ido na dakile wannan cuta. (Saminu)