2019-10-08 10:31:43        cri

Bisa gayyatar da Amurka ta yi, mataimakin Firaministan kasar Sin Liu He, zai jagoranci tawagar kasar zuwa Washington na kasar Amurka, domin wani sabon zagayen tattauna harkokin tattalin arziki da cinikayya tsakanin manyan jami'an kasashen 2 daga ranar 10 zuwa 11 ga wata.

Liu He, wanda mamba ne a hukumar kula da harkokin siyasa ta kwamitin tsakiya na JKS, kuma jagoran tawagar kasar Sin a tattaunawar tattalin arziki da cinikayya da take da Amurka, zai tattauna da jagoran tawagar bangaren Amurka Robert Lighthizer da kuma sakataren kudin kasar Steven Mnuchin. (Fa'iza Mustapha)