2019-08-07 14:15:17        cri

Tsohon sakataren baitulmalin Amurka, kuma mashawarci ga shugaba Barack Obama a gwamnatin Amurka da ta shude Lawrence Summers, ya zargi sakataren baitulmalin Amurka mai ci Mr. Steven Mnuchin, da makalawa Sin sunan mai magudi ta fuskar darajar kudin ta, matakin da ya ce ya zubar da kimar Amurka a idon duniya.

Cikin wani sako na bayyana ra'ayi da aka wallafa a jaridar Washington Post, Mr. Summers, wanda shaihun malami ne dake koyarwa a jami'ar Harvard a Amurka, ya ce kalaman sakataren baitulmalin Amurkan na baya bayan nan game da kasar Sin, sun nuna yadda ya zubar da darajar ofishin sa, ko da yake dama hakan ya yi daidai da manufofin shugaban kasar mai ci.

Ya ce " A yanzu abu ne mai wuya, yanayin kasuwannin hada hadar kudi ya gaskata zargin da sashen baitulmalin Amurka ya yi, kuma a zahiri take cewa, dan raguwar daraja da kudin Sin yuan ya samu a ranar Litinin, ba wani kagaggen lamari ba ne, ana ma iya cewa sakamako ne na karin haraji da Amurka ta kakabawa hajojin Sin da ake shigarwa Amurkar". (Saminu)