Lokacin da ake yin bikin rantsuwar kama aiki na shugaban kasar Madagascar, jama'a fiye da dubu daya sun yi zanga-zanga a wurin da ke kusa da filin wasanni, kuma sun bayyana cewa, za su ci gaba da goyon bayan tsohon shugaban kasar Marc Ravalomanana. Herine, wadda ta kasance cikin masu yin zanga-zangar ta bayyana cewa, ko da yake Rajoelina ya riga ya kama aiki, amma za a ci gaba da yin gwagwarmaya don neman samun ikon mulkin kasar. Ta ce, "watakila ba da jimawa ba, za a tada yaki a tsakanin masu goyon bayan tsohon shugaban kasar da kuma masu goyon bayan shugaban kasar na yanzu, ina nuna damuwa sosai ga zaman lafiyar jama'ar kasarmu."(Kande Gao)