Filin wasan kwallo na zamani na softball na Fengtai da ke kudancin Beijing filin wasa ne na farko a nan Beijing da aka kammala ginawa da kuma fara aiki da shi don taron wasannin Olympic na shekara mai zuwa.

Fadinsa ya kai murabba'in mita dubu 15 ko fiye. Akwai kujeru din din din dubu 4 da dari 7 da kuma na wucin gadi dubu 5 a cikin babban filin wasa, sa'an nan kuma, akwai kujerun wucin gadi 3500 a cikin filin wasa na ko-ta-kwana, ta haka 'yan kallo fiye da dubu 13 na iya kallon gasar wasanni a nan. Wannan filin wasa na hade da babban filin wasa da filin wasa na ko-ta-kwana da filayen horo guda 2 da dakin gudanar da ayyuka da hanyoyi da wuraren ajiye motoci da filayen ciyayi da kuma wasu na'urorin jama'a na wucin gadi.