Domin ci gaba da tabbatar da dalilan da ya sa mutane suka karbar ra'ayoyin da suka sha bamban da nasu, wato sabo da suna farin ciki? Ko sabo da harkokin kwakwalwarsu suna gudana sosai tare da kallafa rai? Manazarta sun yi wasu jarrabawa daban , kuma sakamako ya nuna cewa, dalilin da ya sa haka shi ne sabo da harkokin kwakwalwarsu suna gudana sosai tare da kallafa rai. Ban da wannan kuma manazarta suna ganin cewa, caffein yana sa mutane su fi mai da hankali a kan abubuwan da aka fada, ta yadda za su fi saukin karbar ra'ayoyi na sauran mutane.

To, masu sauraro, yanzu sai ku shakata kadan, daga baya kuma za mu gaya muku wani karamin ilmi daban game da kofi, wato shan kofi zai ba da taimako wajen magance cutar hanta sakamakon shan giya.

Manazarta na kasar Amurka sun gano cewa, shan kofi zai ba da taimako wajen magance cutar hanta sakamakon shan giya, idan aka sha kwaf din kofi guda, to za a iya rage hadarin kamuwa da cutar hanta har kashi 20 cikin dari.

Yayin da ake gudanar da wani shirin kiwon lafiya a birnin Auckland na jihar California ta kasar Amurka, manazarta sun yi bincike kan mutane dubu 26, daga baya sun samu sakamakon da aka ambata a baya, kuma sun buga shi a cikin mujallar Imin likita na cikin jikin dan Adam ta kasar Amurka.

Mutanen da aka gudanar da binciken sun hada da maza da mata daga jinsi daban daban inda daga cikinsu akwai mashaya giya sosai yayin da wasu daga cikinsu sam ba su shan giya ko kadan. Kuma sakamakon binciken jini da aka gudanar kansu ya bayyana cewa, hantunan mutane da suke shan kofi suna da kyau ko da kuwa suna shan giya ko a'a. Shan kwaf din kofi guda a ko wace rana zai iya rage hadarin kamuwa da cutar hanta sakamakon shan giya har kashi 20 cikin dari, kuma idan ake shan kwaf din kofi hudu a ko wace rana, to za a iya rage hadarin har kashi 80 cikin dari.