A gun bikin kunna wutar yula, wata 'yar wasa ta wasannin Olympi na musamman na kasar Sin mai suna Ma Yunli ta yi farin ciki da fadin cewa: ' Sunana Ma Yunli. A madadin 'yan wasannin Olympic na musamman na kasar Sin ne nake lale marhabin da karbar wutar yula a kasar Sin. Lallai taron wasannin Olympic na musamman yakan kawo mana zaman jin dadi. Mun dade muna begen halartar taron wasannin a kasarmu. Babu tantama za mu yi namijin kokari wajen samun maki mai kyau. Kirarinmu shi ne " Ka iya, ni ma na iya''.

Abin da muke so mu gaya muku shi ne, a da, an yi gudun mika wutar yula ta taron wasannin Olympic a wurin wata kasa mai masaukin taron wasannin. Amma tun daga wannan shekara ne aka yi gudun bai wa juna wutar yula a karo na farko a fadin duk duniya.( Sani Wang )