An labarta, cewa yanzu sassan da abin ya shafa na kasar Sin sun rigaya sun yin yunkurin kafa tsarin yin rajista ta fuskar kimiyya kan harkokin dashen gabobin jikin mutum har sun samu ci gaba a wasu fannoni. Alal misali: sun riga sun kaddamar da ma'aunin yin amfani da fasahohin dashen koda da zuciya da kuma huhu a asibiti.

Yanzu, ma'aikatar kiwon lafiya ta kasar Sin ta riga ta zakulo hukumomin jiyya sama da 600 na duk kasar, wadanda suke gudanar da ayyukan dashen gabobin jikin mutum. Amma kuma, sama da 160 kawai daga cikinsu ne suka samu amincewa daga gwamnatin kasar.