Kwanan baya, an gama gasar rera wakoki a tsakanin samarin kasar Sin ta karo na 12 a gidan rediyo mai hoto na tsakiya na kasar Sin wato CCTV, 'yan kallon TV da yawansu ya kai biliyan daya sun kallaci shirye-shiryen nan da aka yi cikin kwanaki 40, shirin nan ya zama shirin TV da ke jawo sha'awar mutane sosai da sosai a kasar Sin.

A shekarar 1984, gidan rediyo mai hoto na tsakiya na kasar Sin wato CCTV ya soma gasar rera wakoki a tsakanin samarin kasar Sin, sa'anan kuma an yi gasar sau daya a shekaru biyu biyu, wanda aka yi a shekarar da muke ciki shi ne karo na 12 ke nan . Tun daga ranar da aka soma gasar nan, sai aka sami shahararrun mawaka daya bayan daya, kamar su Mao A'min da Peng Liyuan da sauransu. A cikin karon da aka yi a shekarar da muke ciki, an yi gasanni har sau 43, ya sami 'yan kallo mafiya yawa.