Kwanakin nan masu yawon shakatawa na kasar Sin da na kasashen waje wadanda suka kai ziyara a Babbar Ganuwar Badaling ta Birnin Beijing , ba kawai suna iya jin dadin yanayi mai ni'ima na Babbar Ganuwa ba, har ma suna iya jin halin annashuwa na mutanen Beijing ga Wasan Olympic na shekarar 2008 . A ran 23 ga watan Yuni da safe , an bude Bikin al'adun Olympic na "2008 Beijing" a nan Babbar Ganuwar.

Bisa dokar da Kwamitin Olympic na Duniya ya yi , an ce , tun daga shekarar 2003 , ya kamata birnin Beijing ya shirya bikin al'adun Olympic na shekara-shekara . Bikin na wannan shekara ya fara daga ran 23 ga watan Yuni zuwa ran 15 ga watan Yuli , wato za a yi shi ne cikin kwanaki 23 .