Kwanan baya a gun taron manema labarai, Mr. Musharaff ya bayyana cewa, dukkan ayyukan da kasar Pakistan ke yi kan ba da taimakon agaji ga yankuna masu fama da girgizar kasa suna bukatar kudi. Gwamnatin Pakistan za ta gabatar da shirin karbar kudin agaji a gun taron duniya na ba da taimakon agaji kan ayyukan sake gina kasar bayan girgizar kasa. Haka kuma ya ce, kafin wannan ya riga ya yi shawarwari tare da shugabannin kasashe da yawa don nuna musu mawuyacin halin da Pakistan ke ciki, kuma dukkansu sun mayar da martani mai kyau.(Kande Gao)