Hukumar kiwon lafiya ta kasar Sin, ta tabbatar da warkewar karin mutane 47 daga cutar numfashi ta COVID-19, aka kuma sallame su daga asibiti a ranar Alhamis.

Hukumar wadda ta fitar da sabbin alkaluma a Juma'ar nan, ta ce har yanzu akwai mutane 491 dake jinyar wannan cuta, ciki hadda mutane 20 dake cikin mawuyacin hali.

Bisa jimilla, ya zuwa jiya Alhamis, adadin masu fama da cutar da suka warke a babban yankin na kasar Sin ya kai mutane 79,792, cikin daukacin mutane 84,917 da suka harbu da cutar. Kaza lika mutane 4,634 sun rasa rayukan su bayan shan fama da wannan annoba. (Saminu)