2020-10-28 21:20:48        cri

Rundunar sojojin Najeriya, ta musanta zagin da ake mata cewa, sojojinta sun harbi masu gudanar da zanga-zangar lumana da suka hallara a wani wuri a Lagos a makon da ya gabata, inda suke bukatar a kawo karshen cin zarafin da 'yan sanda ke yiwa jama'a.

Harbin dai ya faru ne a rukunin shagunan zamanin nan na Lekki Toll Plaza dake Lagos, cibiyar kasuwancin kasar, a lokacin da gwamnatin jihar ta sanya dokar hana fita a ranar 20 ga watan Oktoba, inda masu zanga zangar suka taru, inda ake zargin sojoji masu sanye da kayan sarki da aikatawa.

Wata sanarwa wadda ita ce ta farko da aka fitar tun faruwar wannan lamari na makon da ya gabata, runduna ta 81 ta sojojin kasar ta bayyana cewa, ko da yake ta shiga aikin dawo da doka da oda a Lagos, biyo bayan ayyana dokar hana fita da gwamnati ta sanya, amma sojojinta ba su yi wani harbi ba.(Ibrahim)