2020-08-22 17:10:27        cri

Rundunar sojojin Najeriya ta tabbatar da kashe 'yan bindiga 3 da kuma damke wasu 10 a samamen da ta kai na baya bayan nan a shiyyar arewa maso yammacin kasar mai fama da rikici.

A wata sanarwa da aka baiwa kwafenta ga kamfanin dillancin labarai na Xinhua a ranar Juma'a, hukumar sojojin ta ce ta kaddamar da aikin samar da tsaron ne a ranar Lahadi a wasu yankuna dake dajin Dumburum, inda ake zargin barayin suna samun mafaka.

Sojojin sun kashe 'yan bindigar uku a cikin dajin, kana sun kama wasu mutanen 10 da ake zargi a shirin murkushe 'yan bindigar a jahohin Katsina da Zamfara, da sauran yankunan shiyyar arewa maso yammacin kasar, in ji kakakin rundunar sojojin kasar Benard Onyeuko.

A cewar Onyeuko, an gano wasu makamai da harsasai a lokacin samamen, wanda sojojin suka shafe kwanaki suna gudanarwa.

Ya kara da cewa, an yi nasarar kubutar da mutane 10 wadanda 'yan bindigar suka yi garkuwa dasu.