2020-05-18 11:14:29        cri

Tawagar kiyaye zaman lafiya ta kungiyar tarayyar Afrika dake Somalia ko kuma (AMISOM) ta ce, a ranar Asabar dakarunta sun yi nasarar hallaka mayakan 'yan ta'addan kungiyar al-Shabab 3 kana sun raunata wasu da dama a wani harin da 'yan ta'addan suka yi yunkurin kaiwa kan jami'an tsaron Jubaland a kudancin yankin.

Dakarun na AU sun ce wasu mayakan 'yan ta'addan al-Shabab su 20 dauke da manyan makamai sun kaddamar da hari kan jami'an tsaron Jubaland dake zaune a yankin BilisQooqani, amma dakarun AU sun fattattake su, inda suka kashe 'yan ta'addan 3 kana sun cafke wasu da dama.

Sanarwar ta ce dakarun AU sun kwace bindigogi kirar AK 47 da albarusai masu yawa daga hannun mayakan 'yan ta'addan al-Shabab a lokacin harin.