2020-02-12 19:57:43        cri

Ministan harkokin wajen kasar Sin Wang Yi zai tashi zuwa kasar Jamus, domin halartar taron birnin Munich karo na 56, zai kuma jagoranci taro na 5 tare da ministan wajen Jamus Heiko Maas, a taron da zai maida hankali ga tattaunawa batutuwa da suka shafi kasashen biyu a fannin diflomasiyya da tsaro.

Da yake karin haske game da hakan, kakakin ma'aikatar harkokin wajen Sin Geng Shuang, ya ce za a gudanar da tarukan ne a ranekun Alhamis zuwa Asabar mai zuwa.

A cewar Geng Shuang, ministan wajen Jamus Heiko Maas, da shugaban taron tsaro na birnin Munich Wolfgang Ischinger ne suka gayyaci Mr. Wang Yi. (Saminu)