2019-12-26 20:26:28        cri

Ma'aikatar kare muhalli da halittu ta kasar Sin, ta bayyana cewa, a shekarar 2020 kasar za ta kaddamar da asusun raya kasa ba tare da gurbata muhalli ba, a wani mataki na inganta manufofin tattalin arziki da ke shafar kare muhalli da muhallin halittu.

Jami'in ma'aikatar Xu Bijiu ya shaidawa taron manema labarai a birnin Beijing cewa, wadannan manufofi, za su karfafawa kamfanonin cikin gida gwiwar rage fitar da hayakin dake gurbata muhalli, kuma sun kasance muhimmin mataki na magance matsalolin dake shafar muhalli.